டேர் டெவில்’ படத்தில் ஷாலினி அஜித்? வெளியான புதிய தகவல்!

அஜித் குமார் நடிப்பில், இயக்குநர் ஆதிக் ரவிச்சந்திரன் இயக்கத்தில் உருவாகவுள்ள ‘டேர் டெவில்’ திரைப்படம் அறிவிக்கப்பட்டது முதலே ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. ‘குட் பேட் அக்லி’ படத்துக்குப் பிறகு அஜித் – ஆதிக் ரவிச்சந்திரன் கூட்டணி மீண்டும் இணைவதால், படத்தின் கதை மற்றும் நடிகர்கள் குறித்த தகவல்களை ரசிகர்கள் ஆவலுடன் எதிர்பார்த்து வருகின்றனர்.

இந்த நிலையில், படத்தின் தயாரிப்பாளராக அஜித்தின் மனைவி ஷாலினி அஜித்துகுமார் இணைந்திருப்பது கூடுதல் கவனத்தை பெற்றுள்ளது. ‘டேர் டெவில்’ திரைப்படத்தின் மூலம் ஷாலினி தயாரிப்பாளராக புதிய பொறுப்பை ஏற்றுள்ளார். படம் Brave Hearts Production நிறுவனம் சார்பில் உருவாகவுள்ளதாக தெரிவிக்கப்பட்டுள்ளது. 

கேமியோவில் ஷாலினி?

இதற்கிடையே, ஷாலினியை இப்படத்தில் ஒரு சிறப்பு தோற்றத்தில் நடிக்க வைக்க இயக்குநர் ஆதிக் ரவிச்சந்திரன் விரும்பியதாக தகவல்கள் வெளியாகின. இதனால், 1999ஆம் ஆண்டு வெளியான ‘அமர்க்களம்’ திரைப்படத்தில் இணைந்து நடித்த அஜித் – ஷாலினி ஜோடி மீண்டும் திரையில் தோன்றுமா என்ற எதிர்பார்ப்பு ரசிகர்களிடையே ஏற்பட்டது.

ஆனால் தற்போது வெளியாகியுள்ள தகவலின்படி, ஷாலினி மீண்டும் நடிக்க விருப்பம் இல்லை என்று தெரிவித்துள்ளதாக கூறப்படுகிறது. திரைக்கு முன்னால் நடிப்பதை விட, திரைக்குப் பின்னால் இருந்து திரைப்படப் பணிகளில் தொடர்ந்து பங்களிக்கவே விரும்புவதாக அவர் தெரிவித்ததாக செய்திகள் கூறுகின்றன.

இதனால், ‘டேர் டெவில்’ படத்தில் ஷாலினி கேமியோ கதாபாத்திரத்தில் தோன்றுவார் என்ற எதிர்பார்ப்பு தற்போது நிறைவேற வாய்ப்பில்லை எனத் தெரிகிறது. அதே நேரத்தில், தயாரிப்பாளராக அவர் படத்துடன் தொடர்ந்து பயணிக்கிறார்.

செப்டம்பரில் படப்பிடிப்பு?

‘டேர் டெவில்’ திரைப்படத்தின் படப்பிடிப்பு செப்டம்பர் மாத இறுதியில் தொடங்கும் என தகவல்கள் வெளியாகியுள்ளன. படத்தின் முழுமையான நடிகர்கள் பட்டியல், கதைக்களம் உள்ளிட்ட பல்வேறு விவரங்கள் இன்னும் அதிகாரப்பூர்வமாக வெளியிடப்படவில்லை.

மேலும், இப்படத்திற்கு அனிருத் ரவிச்சந்தர் இசையமைக்கவுள்ளதாக தகவல்கள் தெரிவிக்கின்றன. அஜித் – அனிருத் கூட்டணி ஏற்கனவே ‘வேதாளம்’, ‘விவேகம்’, ‘விடாமுயற்சி’ உள்ளிட்ட படங்களில் பணியாற்றியுள்ள நிலையில், ‘டேர் டெவில்’ மூலம் மீண்டும் இணைகிறது.

இதனால், அஜித்தின் அடுத்த படமாக உருவாகும் ‘டேர் டெவில்’ மீது எதிர்பார்ப்பு அதிகரித்துள்ள நிலையில், ஷாலினி திரையில் தோன்றுவாரா என்ற கேள்விக்கு தற்போது இல்லை என்பதே வெளியாகியுள்ள தகவல்களின் நிலை. ஆனால் அவர் தயாரிப்பாளராக படத்தின் பின்னணியில் முக்கியப் பங்கு வகிக்கிறார் என்பது குறிப்பிடத்தக்கது.