உருவ கேலி விமர்சனங்களுக்கு இயக்குநர் அட்லீ பதிலடி!

திரையுலகில் குறுகிய காலத்திலேயே முன்னணி இயக்குநராக உயர்ந்துள்ள அட்லீ, தனது தோற்றம் மற்றும் நிறம் குறித்து சமூக வலைதளங்களில் தொடர்ந்து முன்வைக்கப்படும் விமர்சனங்களுக்கு பதிலடி கொடுத்துள்ளார். தனது வெற்றிக்கு தோற்றமோ நிறமோ தடையாக இல்லை என்றும், தனது அடையாளமே தனது பலம் என்றும் அவர் பேசியுள்ளார்.

பத்தா வெற்றி விழாவில் பேசிய அட்லீ, தனது நிறம் குறித்து வெளிப்படையாகக் கூறியதுடன், அதனை வைத்து தன்னை விமர்சிப்பவர்களுக்கும் பதிலளித்தார். “நான் கருப்புதான்” என்று குறிப்பிட்ட அவர், தனது தோற்றத்தையும் நிறத்தையும் வைத்து விமர்சனம் செய்பவர்களுக்கு தனது படைப்புகளும் வெற்றிகளுமே பதில் என்று தெரிவித்துள்ளார்.

நிறம், உருவத்தை வைத்து விமர்சனம் வேண்டாம்

சமூக வலைதளங்களில் பிரபலங்களை அவர்களின் தோற்றம், நிறம் மற்றும் உருவத்தை வைத்து கேலி செய்வது தொடர்ந்து அதிகரித்து வருகிறது. இதுபோன்ற விமர்சனங்கள் தனிப்பட்ட முறையில் பாதிப்பை ஏற்படுத்தினாலும், அட்லீ தனது திறமை மற்றும் கடின உழைப்பின் மூலம் அதற்கு பதில் அளித்து வருகிறார்.

திரையுலகில் தனது பயணத்தை தொடங்கிய காலத்திலிருந்து பல்வேறு விமர்சனங்களை எதிர்கொண்டதாக கூறியுள்ள அவர், அவற்றை கடந்து தனது கனவை நோக்கி தொடர்ந்து பயணித்துள்ளார். இன்று இந்திய அளவில் கவனம் பெற்ற இயக்குநராக அவர் உருவெடுத்திருப்பதும் குறிப்பிடத்தக்கது.

ஆனந்த் அம்பானியின் நட்பை நினைவுகூர்ந்த அட்லீ

தனது திரையுலகப் பயணத்தில் கடினமான காலங்களில் தனக்கு ஆதரவாக இருந்தவர்கள் குறித்தும் அட்லீ பேசினார். குறிப்பாக தொழிலதிபர் ஆனந்த் அம்பானியின் நட்பையும் ஆதரவையும் நன்றியுடன் நினைவுகூர்ந்தார்.

தான் திரையுலகில் போராடிக் கொண்டிருந்த காலத்தில் பக்கபலமாகவும் உறுதுணையாகவும் இருந்தவர் ஆனந்த் அம்பானி என அட்லீ குறிப்பிட்டார். உண்மையான நட்பு மற்றும் ஆதரவு என்பது ஒருவரின் உருவத்தையோ, நிறத்தையையோ பார்த்து வருவதில்லை என்பதையும் தனது பேச்சின் மூலம் அவர் வலியுறுத்தினார்.

கடின உழைப்பே வெற்றிக்கு காரணம்

இயக்குநர் ஷங்கரிடம் உதவி இயக்குநராகப் பணியாற்றிய அட்லீ, பின்னர் ராஜா ராணி திரைப்படத்தின் மூலம் இயக்குநராக அறிமுகமானார். தொடர்ந்து முன்னணி நடிகர்களை வைத்து திரைப்படங்களை இயக்கி, தமிழ் சினிமாவைத் தாண்டி இந்திய அளவில் கவனம் பெற்றார்.

தனது படைப்புகள் மூலம் கிடைத்த வெற்றியின் காரணமாக பாலிவுட்டிலும் தடம் பதித்துள்ள அட்லீ, பெரிய நட்சத்திரங்களுடன் பணியாற்றும் வாய்ப்பையும் பெற்றுள்ளார். இதன் மூலம் உருவம் அல்லது நிறம் ஒருவரின் திறமைக்கும் சாதனைக்கும் அளவுகோலாக இருக்க முடியாது என்பதை தனது பயணத்தின் மூலம் நிரூபித்துள்ளார்.

அட்லீயின் இந்தப் பேச்சைத் தொடர்ந்து, சமூக வலைதளங்களில் பலரும் அவருக்கு ஆதரவு தெரிவித்து வருகின்றனர். குறிப்பாக நிறவெறி மற்றும் உருவக் கேலி கலாச்சாரத்திற்கு எதிராக அவர் வெளிப்படையாக குரல் கொடுத்திருப்பது ரசிகர்கள் மற்றும் திரையுலகினர் மத்தியில் வரவேற்பைப் பெற்றுள்ளது

சமூக வலைதளங்களில் ஆதரவு

ஒருவரின் திறமை, உழைப்பு மற்றும் சாதனைகளை விட அவர்களின் தோற்றத்தை முன்வைத்து விமர்சிப்பது தவறான அணுகுமுறை என்ற கருத்தும் தற்போது பரவலாக முன்வைக்கப்படுகிறது. அந்த வகையில் அட்லீயின் பேச்சு, உருவம் மற்றும் நிறம் குறித்த கேலிகளுக்கு எதிரான முக்கியமான கருத்தாக பார்க்கப்படுகிறது.

தனது பயணத்தில் எதிர்கொண்ட விமர்சனங்களை வெற்றியாக மாற்றியுள்ள அட்லீ, தொடர்ந்து பெரிய அளவிலான திரைப்படங்களை உருவாக்கி வருகிறார். அவரது இந்த வெளிப்படையான பேச்சு, தோற்றம் குறித்த விமர்சனங்களை எதிர்கொள்ளும் பலருக்கும் நம்பிக்கையையும் ஊக்கத்தையும் அளித்துள்ளது