ஹரியானாவில் பகீர்: எல்.கே.ஜி சிறுமியை கொடூரமாக தாக்கிய 3-ஆம் வகுப்பு மாணவன்!
ஹரியானாவில் 3-ஆம் வகுப்பு படிக்கும் சிறுவன், மாற்றுத்திறனாளியான எல்.கே.ஜி சிறுமியை வகுப்பறைக்குள் வைத்து கொடூரமாக தாக்கிய சம்பவம் பெரும் அதிர்ச்சியை ஏற்படுத்தியுள்ளது. படுகாயமடைந்த சிறுமி கவலைக்கிடமான நிலையில் மருத்துவமனையில் அனுமதிக்கப்பட்டுள்ளார்.
ஹரியானா மாநிலத்தில் உள்ள ஒரு பள்ளியில் பதற வைக்கும் கொடூர சம்பவம் ஒன்று அரங்கேறியுள்ளது. அங்கு எல்.கே.ஜி (LKG) படிக்கும் மாற்றுத்திறனாளி சிறுமி ஒருவரை, 3-ஆம் வகுப்பு படிக்கும் சிறுவன் மிகக் கொடூரமாக தாக்கியுள்ளான். இந்த பயங்கரமான தாக்குதல் தொடர்பான சிசிடிவி (CCTV) காட்சிகள் தற்போது வெளியாகி பொதுமக்கள் மத்தியில் பெரும் அதிர்ச்சியையும் பதைபதைப்பையும் ஏற்படுத்தியுள்ளது. இந்தத் தாக்குதல் சம்பவம் பள்ளி வகுப்பறைக்குள் வைத்து நடந்துள்ளது. அந்த சிறுவன், சிறுமியை வகுப்பறைக்குள் வைத்து சரமாரியாக தாக்கியுள்ளான். குறிப்பாக, ஒரு பெரிய கல்லைக் கொண்டு சிறுமியை கண்மூடித்தனமாக தாக்கிய கொடூரம் நடந்தேறியுள்ளது. சிறுவனின் இந்த வெறிச்செயல் அனைவரையும் அதிர்ச்சியில் உறைய வைத்துள்ளது.
சிறுவனின் இந்தத் தாக்குதலால் படுகாயமடைந்த சிறுமி, உயிருக்கு ஆபத்தான நிலையில் மீட்கப்பட்டுள்ளார். உடனடியாக அவர் சிகிச்சைக்காக மருத்துவமனையில் அனுமதிக்கப்பட்டுள்ளார். அங்கு அவருக்கு மருத்துவர்கள் தொடர்ந்து தீவிர சிகிச்சை அளித்து வருகின்றனர். இந்த அதிர்ச்சிகரமான சம்பவம் குறித்து போலீசார் தீவிர விசாரணையைத் தொடங்கியுள்ளனர். இவ்வளவு சிறிய வயதில் ஒரு சிறுவன் எப்படி இவ்வளவு கொடூரமாக நடந்துகொண்டான் என்பதை அறிய, அந்தச் சிறுவனை மருத்துவப் பரிசோதனைக்கு உட்படுத்தியுள்ளனர். சிறுவனின் மனநிலை குறித்து அறிய இந்த பரிசோதனை நடத்தப்பட்டு வருவதாக போலீசார் தரப்பில் தெரிவிக்கப்பட்டுள்ளது
0 Comments
No comments yet. Be the first to comment.