காதல் தோல்வி சர்ச்சை... கடினமான காலத்தை கடந்து வந்துவிட்டேன் – அனுபமா பரமேஸ்வரன்

சென்னை,

தமிழ், தெலுங்கு, மலையாளம் உள்ளிட்ட தென்னிந்திய மொழித் திரைப்படங்களில் நடித்து பிரபலமான நடிகை ''அனுபமா பரமேஸ்வரன்தனது'' வாழ்க்கையில் ஏற்பட்ட காதல் தொடர்பான சர்ச்சைகள் மற்றும் கடினமான அனுபவங்கள் குறித்து மனம் திறந்து பேசியுள்ளார். கடந்த இரண்டு ஆண்டுகளாக உடல் மற்றும் மனரீதியாகப் பல்வேறு வேதனைகளைச் சந்தித்ததாகவும், தற்போது அந்தக் கடினமான காலகட்டத்திலிருந்து மீண்டு வந்துவிட்டதாகவும் தெரிவித்துள்ளார்.

நடிப்பில் அனுபமா

தமிழ், தெலுங்கு, மலையாளம் எனப் பல்வேறு மொழித் திரைப்படங்களில் நடித்து ரசிகர்களின் கவனத்தை ஈர்த்தவர் நடிகை அனுபமா பரமேஸ்வரன். கடந்த 2015-ஆம் ஆண்டு மலையாளத்தில் வெளியான 'பிரேமம்' திரைப்படத்தின் மூலம் திரையுலகில் அறிமுகமான இவர், முதல் படத்திலேயே ரசிகர்களின் கவனத்தை ஈர்த்தார்.

தொடர்ந்து தனது நடிப்புத் திறமையின் மூலம் தென்னிந்தியத் திரையுலகில் தனக்கென ஒரு இடத்தைப் பிடித்தார். தெலுங்கு திரையுலகில் வெளியான 'கொடி' திரைப்படம் உள்ளிட்ட பல்வேறு படங்களிலும் நடித்துள்ளார். இதையடுத்து பல்வேறு மொழிப் படங்களில் நடித்து தனக்கென ரசிகர் பட்டாளத்தை உருவாக்கினார்.

இயக்குநர் மாரி செல்வராஜ் இயக்கத்தில் வெளியான 'பைசன்' திரைப்படத்திலும் அனுபமா பரமேஸ்வரன் நடித்திருந்தார். இந்தப் படத்தில் அவரது நடிப்பு ரசிகர்களிடையே கவனம் பெற்றது.

காதல் தோல்வி குறித்து பேச்சு

இந்த நிலையில், அனுபமா பரமேஸ்வரன் காதலில் தோல்வியடைந்ததாகவும், அதனால் ஏற்பட்ட மனவேதனையிலிருந்து மீண்டு வருவதற்குப் பல மாதங்கள் எடுத்துக்கொண்டதாகவும் கூறியுள்ளார். இதுதொடர்பாக அண்மையில் அளித்த பேட்டியில் தனது வாழ்க்கையில் ஏற்பட்ட மாற்றங்கள் மற்றும் துன்பங்களைப் பகிர்ந்துகொண்டார்.

கடந்த இரண்டு ஆண்டுகளாக உடல் மற்றும் மனரீதியாகப் பாதிக்கப்பட்டதாகவும், தான் அனுபவித்தது சாதாரணமான காதல் பிரச்சினை அல்ல என்றும் அவர் தெரிவித்துள்ளார். மேலும், தனது முன்னாள் துணையின் பெயரைக் குறிப்பிடாமல், அந்த உறவில் பல்வேறு கட்டுப்பாடுகளையும் மனரீதியான துன்புறுத்தல்களையும் சந்தித்ததாகக் கூறியுள்ளார்.

கடினமான காலத்தைக் கடந்துவிட்டேன்

இந்த நிலையில், நிகழ்ச்சி ஒன்றில் பங்கேற்ற அனுபமா பரமேஸ்வரன் தனது வாழ்க்கையில் ஏற்பட்ட மாற்றங்கள் மற்றும் தற்போதைய மனநிலை குறித்து வெளிப்படையாகப் பேசியுள்ளார்.

"நான் ஒரு கடினமான காலகட்டத்தைக் கடந்து வந்துவிட்டேன். ஒவ்வொருவருடைய வாழ்க்கையிலும் ஏற்றத்தாழ்வுகள் இருக்கத்தான் செய்யும். தற்போது எனக்கு எந்தப் பிரச்சினையும் இல்லை. என்னுடைய வாழ்க்கையில் ஏற்பட்ட மாற்றங்கள் குறித்து சம்பந்தப்பட்டவர்களுடன் பகிர்ந்துகொண்டேன். அதன் மூலம் என்னை விமர்சிப்பவர்களைக் தாண்டி, என் மீது உண்மையான அன்பு காட்டும் நல்ல உள்ளங்கள் யார் என்பதைத் தெரிந்துகொண்டேன். அத்தகைய அன்பான மனிதர்களுக்காக நான் தொடர்ந்து பயணிப்பேன்" என்றார்.

மேலும், தனது வாழ்க்கையில் ஏற்பட்ட அனுபவங்கள் தன்னைப் புதிய விதமாகச் சிந்திக்க வைத்துள்ளதாகவும், அவற்றிலிருந்து மீண்டு தன்னம்பிக்கையுடன் பயணித்து வருவதாகவும் தெரிவித்துள்ளார்.

ரசிகர்கள் மத்தியில் கவனம்

'அனுபமா பரமேஸ்வரனின்' இந்தப் பேச்சு தற்போது ரசிகர்கள் மத்தியில் கவனம் பெற்றுள்ளது. குறிப்பாக, ''காதல்'' தொடர்பான சர்ச்சைகளுக்குப் பிறகு அவர் தனது மனநிலை மற்றும் வாழ்க்கைப் பயணம் குறித்து வெளிப்படையாகப் பேசியிருப்பது சமூக வலைதளங்களில் விவாதமாகியுள்ளது.

தனிப்பட்ட வாழ்க்கையில் எத்தகைய சவால்கள் வந்தாலும் அவற்றைக் கடந்து தன்னம்பிக்கையுடன் முன்னேற வேண்டும் என்ற அவரது கருத்துக்கு ரசிகர்கள் ஆதரவு தெரிவித்து வருகின்றனர்.