ஆந்திர உள்ளாட்சித் தேர்தல்: 13 மாநகராட்சிகளிலும் தேசிய ஜனநாயக கூட்டணி வெற்றி!
ஆந்திரப் பிரதேச நகர்ப்புற உள்ளாட்சித் தேர்தலில் தெலுங்கு தேசம், ஜன சேனா, பாஜக அடங்கிய தேசிய ஜனநாயகக் கூட்டணி 13 மாநகராட்சிகளிலும் வெற்றி பெற்றுள்ளது. ஒய்.எஸ்.ஆர். காங்கிரஸ் பல இடங்களில் பின்னடைவைச் சந்தித்துள்ளது.
ஆந்திரப் பிரதேசத்தில் நடைபெற்ற நகர்ப்புற உள்ளாட்சித் தேர்தலில் ஆளும் தேசிய ஜனநாயகக் கூட்டணி பெரும்பாலான இடங்களைக் கைப்பற்றியுள்ளது. மொத்தம் 13 மாநகராட்சிகளிலும் கூட்டணி முன்னிலை பெற்று வெற்றி பெற்றுள்ளதாக அறிவிக்கப்பட்டுள்ளது. இந்தத் தேர்தலில் தெலுங்கு தேசம், ஜன சேனா மற்றும் பா.ஜனதா கட்சிகள் இணைந்து போட்டியிட்டன.
92 நகர்ப்புற உள்ளாட்சி அமைப்புகளுக்கு தேர்தல்
ஆந்திரப் பிரதேசத்தில் மொத்தம் 13 மாநகராட்சிகள், 79 நகராட்சிகள் மற்றும் நகர பஞ்சாயத்துகள் என 92 நகர்ப்புற உள்ளாட்சி அமைப்புகளுக்கு கடந்த 1-ஆம் தேதி தேர்தல் நடைபெற்றது.
இந்தத் தேர்தலில் பதிவான வாக்குகள் நேற்று பலத்த பாதுகாப்புடன் எண்ணப்பட்டன. வாக்கு எண்ணிக்கை தொடங்கியது முதலே பல்வேறு பகுதிகளில் ஆளும் கூட்டணி வேட்பாளர்கள் முன்னிலை வகித்தனர்.
13 மாநகராட்சிகளிலும் கூட்டணி முன்னிலை
முதலமைச்சர் சந்திரபாபு நாயுடு தலைமையிலான தெலுங்கு தேசம், பவன் கல்யாணின் ஜன சேனா மற்றும் பா.ஜனதா ஆகிய கட்சிகள் அடங்கிய தேசிய ஜனநாயகக் கூட்டணி பெரும்பாலான இடங்களில் வெற்றியைப் பதிவு செய்துள்ளது.
குறிப்பாக திருப்பதி, சித்தூர், குண்டூர், நெல்லூர் மற்றும் விசாகப்பட்டினம் உள்ளிட்ட முக்கிய மாநகராட்சிகளில் கூட்டணி வேட்பாளர்கள் முன்னிலை பெற்றனர்.
பின்னடைவைச் சந்தித்த ஒய்.எஸ்.ஆர். காங்கிரஸ்
இந்தத் தேர்தலில் எதிர்க்கட்சியான ஒய்.எஸ்.ஆர். காங்கிரஸ் கட்சி பெரும்பாலான இடங்களில் பின்னடைவைச் சந்தித்துள்ளது. ஆளும் கூட்டணியின் வெற்றியைத் தொடர்ந்து, ஆந்திராவின் பல்வேறு பகுதிகளில் கட்சித் தொண்டர்கள் பட்டாசுகள் வெடித்தும், பொதுமக்களுக்கு இனிப்புகள் வழங்கியும் கொண்டாடினர்.
0 Comments
No comments yet. Be the first to comment.