பட வாய்ப்பு இல்லையென்றாலும் கல்லா கட்டும் நடிகை நேகா சர்மா! இன்ஸ்டாகிராம் மூலம் மாதம் ரூ.7 லட்சம் வருமானம்!
சினிமாவில் பட வாய்ப்புகள் குறைந்தாலும் மனம் தளராமல், இன்ஸ்டாகிராம் சந்தா திட்டம் (Subscription Model) மூலம் மாதம் லட்சக்கணக்கில் சம்பாதித்து வரும் நடிகை நேகா சர்மாவின் புதிய பிசினஸ் ஐடியா குறித்த தொகுப்பு.
திரைத்துறையில் முன்னணி நடிகையாக வலம் வந்தால் மட்டுமே கோடிகளில் சம்பாதிக்க முடியும் என்ற நிலை தற்போது மாறிவிட்டது. சமூக வலைதளங்களின் அசுர வளர்ச்சியால், திறமையும் புத்திசாலித்தனமும் இருந்தால் வீட்டிலிருந்தே லட்சக்கணக்கில் வருமானம் ஈட்ட முடியும் என்பதை நிரூபித்து காட்டியுள்ளார் நடிகை நேகா சர்மா.
திரைப்பயணம்
தெலுங்கு திரையுலகில் அறிமுகமாகி, பின்னர் பாலிவுட் வரை சென்றவர் நேகா சர்மா. தமிழில் விஜய் சேதுபதியுடன் 'ஜூங்கா' மற்றும் துல்கர் சல்மானுடன் 'சோலோ' ஆகிய படங்களில் நடித்ததன் மூலம் தமிழ் ரசிகர்களுக்கு பரிச்சயமானார். 38 வயதான இவர் அடிப்படையில் ஒரு காஸ்ட்யூம் டிசைனர் என்பதால், ஃபேஷன் மற்றும் ஸ்டைலிங்கில் தனி முத்திரை பதித்து வருகிறார்.
வருமான ரகசியம்
தற்போது பெரிய அளவில் பட வாய்ப்புகள் இல்லாத நிலையிலும், இன்ஸ்டாகிராமில் தனக்கிருக்கும் 21 மில்லியனுக்கும் அதிகமான பாலோவர்களை மிகச் சரியாக பயன்படுத்தி வருகிறார். இன்ஸ்டாகிராமில் தனது பிரத்யேக புகைப்படங்கள் மற்றும் வீடியோக்களை பார்க்க 'சந்தா திட்டம்' (Subscription Plan) ஒன்றை அறிமுகப்படுத்தியுள்ளார். இதற்கு மாதம் 290 ரூபாய் கட்டணமாக நிர்ணயிக்கப்பட்டுள்ளது.
மாத வருமானம்
தகவல்களின்படி, இந்த திட்டத்தில் இதுவரை சுமார் 2,400 ரசிகர்கள் இணைந்துள்ளனர். இதன் மூலம் நேகா சர்மாவுக்கு மாதம் 7 லட்சம் ரூபாய் வரை வருமானம் கிடைப்பதாக கூறப்படுகிறது. ஒரு முன்னணி நடிகை ஒரு படத்தில் நடித்து வாங்கும் சம்பளத்திற்கு நிகராக, எந்தவித படப்பிடிப்பும் இன்றி நேகா சர்மா சமூக வலைதளங்கள் மூலம் வருமானம் ஈட்டி வருவது பலரையும் வியக்க வைத்துள்ளது.
0 Comments
No comments yet. Be the first to comment.