இந்த வாரம் தியேட்டர் மற்றும் ஓடிடி-யில் என்ன பார்க்கலாம்? 'கர' முதல் 'பேட்ரியாட்' வரை!
இந்த வாரம் திரையரங்குகளில் வெளியாகியுள்ள முன்னணி நடிகர்களின் திரைப்படங்கள் மற்றும் ஓடிடி தளங்களில் வெளியாகியுள்ள புதிய படங்களின் முழு விவரம் இதோ.
சினிமா ரசிகர்களுக்கு இந்த வாரம் மிகவும் சுவாரஸ்யமான வாரமாக அமைந்துள்ளது. திரையரங்குகளில் பல எதிர்பார்ப்புக்குரிய திரைப்படங்கள் வெளியாகியிருக்கும் அதே வேளையில், ஓடிடி தளங்களிலும் புதிய படங்கள் வெளியாகியுள்ளன. இந்த வாரம் தியேட்டர் மற்றும் ஓடிடி-யில் என்னென்ன படங்கள் வெளியாகியுள்ளன என்பதை இந்தத் தொகுப்பில் விரிவாகக் காணலாம்.
திரையரங்குகளில் வெளியான திரைப்படங்கள்:
கர (தமிழ்)
ஐசரி கணேஷ் தயாரிப்பில், விக்னேஷ் ராஜா எழுதி இயக்கியுள்ள 'கர' திரைப்படத்தில் தனுஷ், மமிதா பைஜூ, சுராஜ் வெஞ்சாரமூடு, கே.எஸ். ரவிக்குமார், பிரித்வி பாண்டியராஜன், ஸ்ரீஜா ரவி ஆகியோர் நடித்துள்ளனர். இத்திரைப்படம் கடந்த ஏப்ரல் 30 அன்று திரையரங்குகளில் வெளியாகி ரசிகர்களிடையே நல்ல வரவேற்பைப் பெற்று வருகிறது.
பேட்ரியாட் (மலையாளம்)
மகேஷ் நாராயணன் எழுதி இயக்கியுள்ள 'பேட்ரியாட்' திரைப்படம் மலையாள சினிமாவில் ஒரு மாபெரும் நிகழ்வாகப் பார்க்கப்படுகிறது. 18 ஆண்டு இடைவெளிக்குப் பிறகு மம்மூட்டி மற்றும் மோகன்லால் இணைந்து நடித்துள்ள இப்படத்தில் பகத் பாசில், நயன்தாரா, ரேவதி ஆகியோரும் முக்கிய கதாபாத்திரங்களில் நடித்துள்ளனர். இத்திரைப்படம் மே 1 அன்று திரையரங்குகளில் வெளியானது.
ஜெட்லி (தெலுங்கு)
ரித்தீஷ் ரானா இயக்கியுள்ள 'ஜெட்லி' திரைப்படத்தில் சத்யா, ரியா சிங்கா, வெண்ணிலா கிஷோர், விவா ஹர்ஷா, கபிர் துகன் சிங் ஆகியோர் நடித்துள்ளனர். நகைச்சுவை மற்றும் அதிரடி கலந்த இந்தத் திரைப்படம் மே 1 அன்று திரையரங்குகளில் வெளியானது.
ஆமீர் கான் புரொடக்ஷன்ஸ் தயாரிப்பில், சுனில் பாண்டே இயக்கத்தில் உருவாகியுள்ள 'ஏக் தின்' திரைப்படத்தில் ஆமீர் கானின் மகன் ஜுனைத் கான், சாய் பல்லவி, குணால் கபூர் ஆகியோர் இணைந்து நடித்துள்ளனர். இத்திரைப்படம் நேற்று (மே 1) திரையரங்குகளில் வெளியானது.
தி டெவில் வியர்ஸ் பிராடா 2 (ஆங்கிலம்)
பெரும் வரவேற்பைப் பெற்ற 'தி டெவில் வியர்ஸ் பிராடா' திரைப்படத்தின் இரண்டாம் பாகம் டேவிட் ஃப்ராங்கள் இயக்கத்தில் வெளியாகியுள்ளது. மேரில் ஸ்ட்ரீப், ஆன் ஹாத்வே, எமிலி பிளண்ட், ஸ்டான்லி துச்சி ஆகியோர் நடித்துள்ள இப்படம் மே 1 அன்று திரையரங்குகளில் வெளியாகி உலகளாவிய அளவில் கவனம் பெற்றுள்ளது.
ஓ.டி.டி (OTT) ரிலீஸ்கள்:
இந்த வாரம் ஓடிடி தளங்களில் வெளியான முக்கியமான படங்கள் மற்றும் தொடர்களின் பட்டியல்:
- க்ளோரி (Glory) - Netflix
- டிஎன் 2026 (TN 2026) - Amazon Prime Video / Aha
- முஸ்தபா முஸ்தபா (Mustafa Mustafa) - Aha
- ஆடு 3 (Aadu 3) - ZEE5
- தி கேரளா ஸ்டோரி 2: கோஸ் பியாண்ட் (The Kerala Story 2: Goes Beyond) - ZEE5
0 Comments
No comments yet. Be the first to comment.