சாய் பல்லவிக்கு அடுத்தடுத்த அதிர்ச்சி: 'ராமாயணா' படக்குழு எடுத்த அதிரடி முடிவு?
பாலிவுட் அறிமுக படம் தோல்வியடைந்த நிலையில், 'ராமாயணா' படத்திலும் சாய் பல்லவிக்கு புதிய சிக்கல் உருவாகியுள்ளதாகத் தகவல்கள் வெளியாகியுள்ளன.
தென்னிந்திய திரையுலகில் முன்னணி நடிகையாக வலம் வரும் சாய் பல்லவி, சமீபத்தில் 'ஏக் தின்' (Ek Din) திரைப்படத்தின் மூலம் பாலிவுட்டில் தடம் பதித்தார். ஜூனைத் கானுடன் அவர் இணைந்த இந்தத் திரைப்படம் பெரும் எதிர்பார்ப்புகளுக்கு மத்தியில் கடந்த மே 1-ஆம் தேதி வெளியானது. சுமார் 15 கோடி ரூபாய் பட்ஜெட்டில் உருவான இப்படம், இரண்டு வார முடிவில் வெறும் 5 கோடி ரூபாய் மட்டுமே வசூலித்து பாக்ஸ் ஆபிஸில் தோல்வியைத் தழுவியது. இது சாய் பல்லவி ரசிகர்களிடையே பெரும் அதிர்ச்சியை ஏற்படுத்தியுள்ளது.
'ராமாயணா' படக்குழுவின் அதிரடி முடிவு?
தற்போது நிதேஷ் திவாரி இயக்கத்தில் பிரம்மாண்டமாக உருவாகி வரும் 'ராமாயணா' படத்தில் சீதை கதாபாத்திரத்தில் சாய் பல்லவி நடித்து வருகிறார். ரன்பீர் கபூர் ராமராக நடிக்கும் இப்படத்திற்கு சுமார் 4000 கோடி ரூபாய் பட்ஜெட் ஒதுக்கப்பட்டுள்ளது. இந்நிலையில், இப்படத்திலும் சாய் பல்லவிக்கு ஒரு பின்னடைவு ஏற்பட்டுள்ளதாக பாலிவுட் வட்டாரங்கள் தெரிவிக்கின்றன.
சமூக வலைத்தளங்களில் சாய் பல்லவியின் இந்தி உச்சரிப்பு குறித்து ஒருபுறம் விமர்சனங்கள் எழுந்து வரும் நிலையில், படத்தில் சாய் பல்லவியின் சொந்தக் குரலுக்குப் பதிலாக, வேறொரு டப்பிங் கலைஞரின் குரலைப் பயன்படுத்த படக்குழு திட்டமிட்டுள்ளதாகக் கூறப்படுகிறது.
"பாலிவுட் ரசிகர்களைக் கவரும் வகையில் உச்சரிப்பு துல்லியமாக இருக்க வேண்டும் என்பதற்காகவே இந்த முடிவு எடுக்கப்பட்டதாகத் தெரிகிறது."
அதிகாரப்பூர்வ அறிவிப்பு வருமா?
ஏற்கனவே முதல் படம் தோல்வியடைந்த நிலையில், தனது கனவுத் திட்டமான 'ராமாயணா' படத்திலும் டப்பிங் உரிமை பறிபோகும் தகவல் சாய் பல்லவியை வருத்தத்தில் ஆழ்த்தியுள்ளதாகக் கூறப்படுகிறது. இருப்பினும், இது குறித்த அதிகாரப்பூர்வ அறிவிப்பு இன்னும் வெளியாகவில்லை. இந்திய சினிமா வரலாற்றிலேயே அதிக பொருட்செலவில் உருவாகும் படங்களில் ஒன்றாக 'ராமாயணா' பார்க்கப்படுவதால், ஒவ்வொரு விஷயத்தையும் படக்குழு மிகக் கவனமாக கையாண்டு வருகிறது.
Popular News
View All
0 Comments
No comments yet. Be the first to comment.