நாளை மறுநாள் 10-ஆம் வகுப்பு பொதுத்தேர்வு முடிவுகள் வெளியீடு! பள்ளி கல்வித்துறை அமைச்சர் ராஜ்மோகன் அதிரடி அறிவிப்பு!
தமிழகத்தில் 10-ஆம் வகுப்பு பொதுத்தேர்வு முடிவுகள் நாளை மறுநாள் (மே 20) வெளியாகும் என்றும், கோடை விடுமுறை முடிந்து ஜூன் 1-ஆம் தேதி பள்ளிகள் திறக்கப்படும் என்றும் பள்ளிக்கல்வித்துறை அமைச்சர் ராஜ்மோகன் தெரிவித்துள்ளார்.
தமிழகத்தில் 10-ஆம் வகுப்பு பொதுத்தேர்வு எழுதியுள்ள லட்சக்கணக்கான மாணவ, மாணவிகளின் நீண்ட நாள் எதிர்பார்ப்பிற்கு தற்போது விடை கிடைத்துள்ளது. எஸ்.எஸ்.எல்.சி (SSLC) தேர்வு முடிவுகள் வெளியாகும் தேதி மற்றும் கோடை விடுமுறை முடிந்து பள்ளிகள் மீண்டும் திறக்கப்படும் தேதி குறித்த முக்கிய அறிவிப்புகளை பள்ளிக்கல்வித்துறை அமைச்சர் ராஜ்மோகன் இன்று (18-05-2026) அதிகாரப்பூர்வமாக வெளியிட்டுள்ளார்.
செய்தியாளர்களைச் சந்தித்த அமைச்சர் ராஜ்மோகன் தெரிவித்ததாவது:
- நடப்பு கல்வி ஆண்டிற்கான 10-ஆம் வகுப்பு பொதுத்தேர்வு முடிவுகள் நாளை மறுநாள் அதாவது மே 20-ஆம் தேதி அதிகாரப்பூர்வமாக இணையதளங்களில் வெளியிடப்படும்.
- மாணவர்கள் தங்களது தேர்வு முடிவுகளை பள்ளிக்கல்வித்துறை அறிவிக்கும் அதிகாரப்பூர்வ இணையதளங்களின் வாயிலாகவும், பள்ளிகளில் பதிவு செய்யப்பட்ட கைபேசி எண்களுக்கு வரும் குறுஞ்செய்தி (SMS) மூலமாகவும் உடனடியாகத் தெரிந்து கொள்ளலாம்.
தொடர்ந்து பேசிய அமைச்சர், மாணவர்களின் கோடை விடுமுறை மற்றும் அடுத்த கல்வி ஆண்டுக்கான பள்ளிகள் திறப்பு குறித்தும் தெளிவுபடுத்தினார். அதன்படி, தற்பொழுது வழங்கப்பட்டுள்ள கோடை விடுமுறையானது மே மாத இறுதியுடன் நிறைவடைகிறது. இதனைத் தொடர்ந்து, ஜூன் மாதம் 1-ஆம் தேதி (01-06-2026) தமிழகம் முழுவதும் உள்ள அரசு, அரசு உதவி பெறும் மற்றும் தனியார் பள்ளிகள் அனைத்தும் புதிய கல்வி ஆண்டிற்காக மீண்டும் திறக்கப்படும் என்று அவர் குறிப்பிட்டுள்ளார்.
தேர்வு முடிவுகள் வெளியான உடனேயே, மாணவர்கள் தங்களது தற்காலிக மதிப்பெண் சான்றிதழ்களைப் பதிவிறக்கம் செய்வதற்கும், மேல்நிலைக் கல்வியில் (11-ஆம் வகுப்பு) தங்களுக்குப் பிடித்தமான பாடப்பிரிவுகளைத் தேர்ந்தெடுத்துச் சேருவதற்கும் தேவையான வழிகாட்டுதல்களைப் பள்ளிக்கல்வித்துறை விரிவாகச் செய்துள்ளது. பள்ளிகள் திறக்கப்படும் முதல் நான்றே மாணவர்களுக்குத் தேவையான விலையில்லாப் பாடப்புத்தகங்கள் மற்றும் சீருடைகளை வழங்கவும் மாவட்டக் கல்வி அதிகாரிகளுக்கு உத்தரவிடப்பட்டுள்ளது.
0 Comments
No comments yet. Be the first to comment.