தமிழ்நாடு பட்ஜெட் 2026: 2036-க்குள் 1.5 டிரில்லியன் டாலர் பொருளாதாரம் இலக்கு – துறைவாரியாக முக்கிய அறிவிப்புகள்

2036-க்குள் 1.5 டிரில்லியன் டாலர் பொருளாதாரம்

தமிழகத்தின் பொருளாதாரத்தை அடுத்த 10 ஆண்டுகளில் பெரிய அளவில் உயர்த்துவதற்கான இலக்கை அரசு நிர்ணயித்துள்ளது.

• 2036-ஆம் ஆண்டுக்குள் 1.5 டிரில்லியன் டாலர் பொருளாதாரமாக தமிழகத்தை மாற்ற இலக்கு நிர்ணயம்.

• புதிய துறைமுகம் அமைப்பதற்கான சாத்தியக்கூறுகளை அரசு ஆய்வு செய்யும்.

• வேளாண் வாழ் தமிழர் முதலீட்டு பிரிவு அமைக்கப்படும்.

• தூத்துக்குடி மற்றும் நெல்லையில் தொழில் முதலீட்டு மண்டலங்கள் அமைக்க திட்டமிடப்பட்டுள்ளது.

• சமூகநலன் மற்றும் மகளிர் உரிமைத் துறைக்கு ரூ.9,818 கோடி ஒதுக்கீடு.

பெண்கள் மற்றும் முதியோருக்கு முக்கிய திட்டங்கள்

பெண்களின் திருமண உதவி முதல் முதியோருக்கான சிகிச்சை வசதிகள் வரை சமூகநலத் திட்டங்களுக்கு பட்ஜெட்டில் முக்கியத்துவம் அளிக்கப்பட்டுள்ளது.

அண்ணனின் சீர் திட்டத்திற்கு ரூ.812 கோடி ஒதுக்கீடு; திருமண உதவியாக 8 கிராம் தங்க நாணயம் வழங்கும் திட்டம்.

• கருவுற்ற பெண்களுக்கான ‘தாய் கேர்’ திட்டத்திற்கு ரூ.23 கோடி ஒதுக்கீடு.

• நடமாடும் முதியோர் சிகிச்சை மையங்களுக்கு ரூ.33 கோடி ஒதுக்கீடு.

• 12 மாவட்டங்களில் முதியோர் இல்லங்கள் அமைக்க ரூ.6.6 கோடி ஒதுக்கீடு.

மருத்துவம் மற்றும் மக்கள் நல்வாழ்வு

மருத்துவக் கட்டமைப்பு மற்றும் நோய்த் தடுப்பு நடவடிக்கைகளை வலுப்படுத்தவும் பட்ஜெட்டில் நிதி அறிவிக்கப்பட்டுள்ளது.

• மருத்துவம் மற்றும் மக்கள் நல்வாழ்வுத் துறைக்கு ரூ.23,357 கோடி ஒதுக்கீடு.

• மாற்றுத்திறனாளிகள் நலத்துறைக்கு ரூ.1,485 கோடி ஒதுக்கீடு.

• புற்றுநோய் பராமரிப்பு மருத்துவமனை அமைக்க ரூ.10 கோடி நிதி ஒதுக்கீடு.

கால்நடை வளர்ப்புக்கு ரூ.4,880 கோடி

கிராமப்புற பொருளாதாரத்தில் முக்கிய பங்கு வகிக்கும் கால்நடை வளர்ப்புத் துறைக்கும் பல்வேறு திட்டங்கள் அறிவிக்கப்பட்டுள்ளன.

• கால்நடை மற்றும் மீன்வளத் துறைக்கு ரூ.4,880 கோடி ஒதுக்கீடு.

• பெண்களுக்கு கறவை மாடுகள் வழங்கும் திட்டத்திற்கு ரூ.57 கோடி.

• தீவன விதை வங்கிகள் மற்றும் கிடங்குகளுக்கு ரூ.6.7 கோடி.

• ரூ.122 கோடி மதிப்பில் கால்நடை மருத்துவ சேவைகள் மேற்கொள்ளப்படும்.

• கால்நடைகள் காப்போம் திட்டத்திற்கு ரூ.31 கோடி ஒதுக்கீடு.

• வெற்றி ஆடுகள் வளர்ப்புத் திட்டத்தின் கீழ் தகுதியான பயனாளிகளுக்கு 5 ஆடுகள் வழங்கப்படும்.

• வெற்றி மகளிர் ஆடு வளர்ப்புத் திட்டத்திற்கு ரூ.110 கோடி ஒதுக்கீடு.

மீனவர்களுக்கு புதிய அறிவிப்புகள்

மீனவர்களின் நலன் மற்றும் வாழ்வாதாரத்தை மேம்படுத்தும் வகையிலும் பட்ஜெட்டில் முக்கிய அறிவிப்புகள் இடம்பெற்றுள்ளன.

• மீனவர் நலன் உதவித்தொகை திட்டத்திற்கு ரூ.135 கோடி ஒதுக்கீடு.

• மீன்பிடி உதவித்தொகை ரூ.7,000 ஆக உயர்த்தப்படும்.

• கால்நடை மற்றும் மீன்வளத் துறைக்கு ஒட்டுமொத்தமாக ரூ.4,880 கோடி ஒதுக்கீடு.

வேளாண் துறைக்கு ரூ.19,984 கோடி

• விவசாயிகளின் உற்பத்தி மற்றும் வருமானத்தை மேம்படுத்தும் நோக்கில் வேளாண் துறைக்கும் பெரிய அளவில் நிதி ஒதுக்கப்பட்டுள்ளது.

• வேளாண் துறைக்கு ரூ.19,984 கோடி ஒதுக்கீடு.

• இடஒதுக்கீடு தொடர்பான 69% இடஒதுக்கீட்டை பாதுகாக்க உரிய நடவடிக்கைகள் மேற்கொள்ளப்படும்.

• அனைத்து சமூகங்களின் வளர்ச்சியை மையப்படுத்திய திட்டங்களுக்கும் நிதி ஒதுக்கீடு செய்யப்பட்டுள்ளது.

சமூகநீதித் துறைக்கு ரூ.3,937 கோடி

சமூகநீதி சார்ந்த திட்டங்களை செயல்படுத்துவதற்கும் குறிப்பிடத்தக்க நிதி ஒதுக்கீடு அறிவிக்கப்பட்டுள்ளது.

• சமூகநீதித் துறைக்கு ரூ.3,937 கோடி ஒதுக்கீடு.

• அனைவருக்கும் சம வாய்ப்பை உறுதி செய்ய ரூ.462.41 கோடி நிதி ஒதுக்கீடு.

• காமராசர் காலை உணவுத் திட்டத்திற்கு ரூ.710 கோடி ஒதுக்கீடு.

கூட்டுறவு மற்றும் சுற்றுச்சூழல் திட்டங்கள்

கூட்டுறவுத் துறையை வலுப்படுத்துவதுடன் சுற்றுச்சூழல் பாதுகாப்பை முன்னிறுத்தும் அறிவிப்புகளும் பட்ஜெட்டில் இடம்பெற்றுள்ளன.

• கூட்டுறவுத் துறைக்கு ரூ.8,028 கோடி ஒதுக்கீடு.

• ரூ.35,062 கோடியில் 7 பசுமை ஒப்பந்தங்கள் மேற்கொள்ளப்படும் என அறிவிப்பு.