சென்னை மின்வாரிய தலைமையகத்திற்கு சென்ற முதலமைச்சர் விஜய், அங்கு நடைபெற்று வரும் மின்சாரத்துறை பணிகள் மற்றும் மின்வாரியத்தின் செயல்பாடுகள் குறித்து ஆய்வு மேற்கொண்டார். அதிகாரிகளிடம் பல்வேறு விவரங்களை கேட்டறிந்தார்.
சென்னை:
சென்னை மின்வாரிய தலைமையகத்திற்கு முதலமைச்சர் விஜய் நேரில் சென்று ஆய்வு மேற்கொண்டார். மின்சாரத்துறை சார்பில் மேற்கொள்ளப்பட்டு வரும் பணிகள், மின்வாரியத்தின் செயல்பாடுகள் உள்ளிட்ட பல்வேறு அம்சங்கள் குறித்து அதிகாரிகளிடம் முதலமைச்சர் விஜய் கேட்டறிந்தார்.
இந்த ஆய்வின்போது மின்வாரியத்தின் தற்போதைய செயல்பாடுகள், பொதுமக்களுக்கு வழங்கப்பட்டு வரும் மின்சார சேவைகள் மற்றும் துறையின் சார்பில் செயல்படுத்தப்பட்டு வரும் திட்டங்கள் குறித்து அதிகாரிகள் முதலமைச்சரிடம் விளக்கம் அளித்தனர்.
மேலும், மின்சார விநியோகத்தில் ஏற்படும் பிரச்சினைகள், அவற்றை விரைவாக சரிசெய்வதற்கான நடவடிக்கைகள் மற்றும் பொதுமக்களின் புகார்களுக்கு உடனடியாக தீர்வு காண்பது தொடர்பாகவும் ஆலோசனை நடைபெற்றதாக கூறப்படுகிறது.
மின்சாரத்துறை தொடர்பான பணிகளை அதிகாரிகள் தொடர்ந்து கண்காணிக்க வேண்டும் என்றும், பொதுமக்களுக்கு தடையற்ற மற்றும் தரமான மின்சார சேவையை வழங்குவதற்கான நடவடிக்கைகளை மேற்கொள்ள வேண்டும் என்றும் முதலமைச்சர் விஜய் அறிவுறுத்தியதாக தெரிவிக்கப்பட்டுள்ளது. முதலமைச்சர் விஜய் மின்வாரிய தலைமையகத்திற்கு நேரில் சென்று ஆய்வு மேற்கொண்ட சம்பவம் தற்போது கவனம் பெற்றுள்ளது.
மேலும் மின்கட்டமைப்பை வலுப்படுத்துவது, மின் தேவையை பூர்த்தி செய்வது, நுகர்வோர் புகார்கள் மீது எடுக்கப்படும் நடவடிக்கை குறித்து அமைச்சர் நிர்மல் குமார், மின் வாரிய தலைவர் அருண்ராய், பசுமை எரிசக்தி கழகம் மேலாண்மை இயக்குநர் ஸ்ரீதர் உள்ளிட்டோருடன் ஆலோசனை நடத்தினார்.
அதனை தொடர்ந்து மின்னகம், மாநில மின் பளு பகிர்ந்தளிப்பு மையத்தை முதல்-அமைச்சர் ஆய்வு செய்தார். அப்போது மின்தடையின்போது எடுக்கப்படும் நடவடிக்கைகள், மின் உற்பத்தி, மின் தேவை குறித்து அதிகாரிகளிடம் கேட்டறிந்தார்.
Popular News
View All
0 Comments
No comments yet. Be the first to comment.