சிறப்பு தீவிர திருத்தம் (SIR) என்ற பெயரில் வாக்காளர் பட்டியலில் முறைகேடுகள் நடந்திருப்பதாகக் கூறி, இந்திய தலைமை தேர்தல் ஆணையர் ஞானேஷ் குமார் உடனடியாக பதவி விலக வேண்டும் என திமுக தலைவரும் தமிழக முன்னாள் முதலமைச்சருமான மு.க.ஸ்டாலின் வலியுறுத்தியுள்ளார். பிற தேர்தல் ஆணையர்களான சுக்பீர் சிங் சந்து, விவேக் ஜோஷி ஆகியோரை இருட்டடிப்பு செய்து தனி ஆவர்த்தனம் முறையில் முடிவுகள் எடுக்கப்பட்டுள்ளதாக வெளியான செய்தியைத் தொடர்ந்து அவர் இந்த கோரிக்கையை முன்வைத்துள்ளார்.
தலைமை தேர்தல் ஆணையர் பதவி விலக வேண்டும்: மு.க.ஸ்டாலின் அதிரடி அறிக்கை!
சிறப்பு தீவிர திருத்தம் (SIR) என்ற பெயரில் வாக்காளர் பட்டியலில் பெரிய அளவில் முறைகேடுகள் நடந்திருப்பதாகக் கூறி, இந்திய தலைமை தேர்தல் ஆணையர் ஞானேஷ் குமார் உடனடியாக பதவி விலக வேண்டும் என்று திமுக தலைவரும், தமிழக முதலமைச்சருமான மு.க.ஸ்டாலின் அதிகாரப்பூர்வமாக வலியுறுத்தியுள்ளார்.
தேர்தல் ஆணையத்தின் செயல்பாடுகளில் மத்திய அரசின் அரசியல் குறுக்கீடுகள் எந்த அளவுக்கு உச்சகட்டத்தை எட்டியுள்ளது என்பதை இந்த விவகாரம் தெள்ளத்தெளிவாகக் காட்டுகிறது என்றும் அவர் சாடியுள்ளார்.
இருட்டடிப்பு செய்யப்பட்ட தேர்தல் ஆணையர்கள்:
தேர்தல் ஆணையத்தில் உள்ள மூன்று ஆணையர்களில், மற்ற இரு தேர்தல் ஆணையர்களான சுக்பீர் சிங் சந்து மற்றும் விவேக் ஜோஷி ஆகியோரை முழுமையாக இருட்டடிப்பு செய்துவிட்டு, தலைமை தேர்தல் ஆணையர் ஞானேஷ் குமார் ரகசியமாகவும், தனிச்சையாகவும் முடிவுகளை எடுத்துள்ளார்.
10 மாதங்களில் 14 முறை ஆட்சேபனை:
தங்களுக்குத் தெரியாமல் தன்னிச்சையாக முக்கிய முடிவுகள் எடுக்கப்படுவது குறித்து, கடந்த 10 மாதங்களில் 14 முறை இவ்விரு தேர்தல் ஆணையர்களும் தங்களது கடுமையான ஆட்சேபனைகளை எழுத்துப்பூர்வமாகப் பதிவு செய்துள்ளனர். ஆனால், அந்த ஆட்சேபனைகள் அனைத்தும் முற்றிலுமாகப் புறக்கணிக்கப்பட்டுள்ளன.
விதிகளுக்குப் புறம்பான செயல்பாடுகள்:
தேர்தல் ஆணைய விதிகளின்படி அனைத்து முடிவுகளும் ஒருமித்த கருத்தின் அடிப்படையிலோ அல்லது பெரும்பான்மை முடிவின் அடிப்படையிலோதான் எடுக்கப்பட வேண்டும். ஆனால், மற்ற இரு ஆணையர்களுக்க தெரியாமல் ஆணையத்தின் பெயரால் உத்தரவுகள் பிறப்பிக்கப்பட்டது, இந்திய ஜனநாயகத்தின் மீதான மிக மோசமான தாக்குதல் என்று மு.க.ஸ்டாலின் சுட்டிக்காட்டியுள்ளார்.
வாக்காளர் பட்டியல் முறைகேடு குற்றச்சாட்டுகள்:
வாக்காளர் பட்டியலைச் சீரமைப்பதாகக் கூறி கொண்டு வரப்பட்ட தொழில்நுட்ப மாற்றங்கள் மற்றும் முடிவுகள் பெரும் சர்ச்சையை ஏற்படுத்தியுள்ளன:
ERONet மென்பொருள் ஒரு நபர் வசம்:
வாக்காளர் பட்டியலில் திருத்தங்களை மேற்கொள்ளும் அதிகாரப்பூர்வ தளம், முழுமையாக ஒரு தனிநபரின் கட்டுப்பாட்டில் இயங்கியுள்ளது.
நீதிமன்ற உத்தரவுகளும் மீறல்:
நீதிமன்றமே தலையிட்டு தகுதியுள்ள வாக்காளர்களைப் பட்டியலில் சேர்க்க உத்தரவிட்ட பிறகும், அதற்கு எதிராக ரகசியமாக மேல்முறையீடுகள் செய்யப்பட்டுள்ளன. இந்த மேல்முறையீடுகளைச் செய்ய உத்தரவிட்டது யார் என்பதே மற்ற இரு தேர்தல் ஆணையர்களுக்கும் தெரியாமல் மறைக்கப்பட்டுள்ளது.
வட்டார அதிகாரிகளின் (ERO) அதிகாரம் பறிப்பு:
சட்டப்படி வாக்காளர் பட்டியலைச் சரிபார்க்கும் முழு அதிகாரம் பெற்ற வாக்காளர் பதிவு அதிகாரிகளின் (ERO) செயல்பாடுகளை முடக்கி, டெல்லியில் இருந்தபடி மென்பொருள் மூலமாகக் கட்டுப்பாடுகள் விதிக்கப்பட்டுள்ளது அம்பலமாகியுள்ளது.
Popular News
View All
0 Comments
No comments yet. Be the first to comment.