இன்ஸ்டா ரீல்சை இனி ஈசியா வாட்ஸ்அப்பில் அனுப்பலாம்.. மெட்டா கொண்டு வரும் புதிய அப்டேட்!

வாட்ஸ்அப்பிலேயே இன்ஸ்டா ரீல்ஸ்

வாட்ஸ்அப் பயனர்களுக்கு இனி இன்ஸ்டாகிராம் ரீல்ஸ் மற்றும் ஃபேஸ்புக் பதிவுகளை பகிர்வது மேலும் எளிதாகலாம். இன்ஸ்டாகிராம் மற்றும் ஃபேஸ்புக் கணக்குகளில் ஏற்கனவே பகிர்ந்துள்ள புகைப்படங்கள், வீடியோக்கள், Stories, Posts மற்றும் Reels ஆகியவற்றை வாட்ஸ்அப் செயலியில் இருந்தபடியே தேர்வு செய்து பகிரும் புதிய வசதியை மெட்டா சோதனை செய்து வருகிறது.

தற்போது இன்ஸ்டாகிராமில் ஒரு ரீல்ஸை வாட்ஸ்அப்பில் பகிர வேண்டுமென்றால், இன்ஸ்டாகிராம் செயலிக்குச் சென்று அந்த ரீல்ஸைத் தேர்வு செய்து Share விருப்பத்தைப் பயன்படுத்த வேண்டும். புதிய வசதி முழுமையாக அறிமுகமானால், வாட்ஸ்அப்பின் Media Picker மூலமாகவே இன்ஸ்டாகிராம் மற்றும் ஃபேஸ்புக் கணக்குகளில் பகிரப்பட்டுள்ள மீடியாவைத் தேர்வு செய்ய முடியும்.

வாட்ஸ்அப்பின் Media Picker-ல் கிடைக்கும் Media Sources பட்டியலில் Instagram மற்றும் Facebook ஆகியவை கூடுதல் விருப்பங்களாக இடம்பெறலாம். மேல்பகுதியில் உள்ள dropdown மூலம் Instagram அல்லது Facebook-ஐ தேர்வு செய்து, அங்கு ஏற்கனவே பகிரப்பட்டுள்ள உள்ளடக்கங்களைப் பார்க்க முடியும்.

Chat மற்றும் Status இரண்டிலும் பயன்படுத்தலாம்

இந்த வசதி தனிப்பட்ட Chat-களுக்கு மட்டுமின்றி WhatsApp Status உருவாக்கும்போதும் பயன்படுத்த முடியும் எனத் தெரிவிக்கப்பட்டுள்ளது. அதாவது, Instagram-ல் ஏற்கனவே பகிர்ந்த ஒரு Reels அல்லது Facebook-ல் பதிவிட்ட புகைப்படத்தை மீண்டும் பதிவிறக்கம் செய்யாமல் WhatsApp Status-ல் பயன்படுத்தும் வாய்ப்பு கிடைக்கும்.

Meta கணக்குகளை இணைக்க வேண்டும்

இந்த வசதியைப் பயன்படுத்துவதற்கு WhatsApp கணக்கை Meta Accounts Center உடன் இணைக்க வேண்டியிருக்கும். கணக்குகள் இணைக்கப்படவில்லை என்றால் WhatsApp Media Picker-ல் Instagram மற்றும் Facebook Media Sources தோன்றாது.

Accounts Center இணைப்பு கட்டாயமானது அல்ல. WhatsApp-ஐ Instagram மற்றும் Facebook-லிருந்து தனியாக வைத்திருக்க விரும்பும் பயனர்கள் தொடர்ந்து அவ்வாறே பயன்படுத்தலாம். Meta ஏற்கனவே WhatsApp-ஐ Accounts Center-ல் இணைப்பது விருப்பத்தேர்வு என்றும், தனிப்பட்ட WhatsApp செய்திகள் மற்றும் அழைப்புகள் End-to-End Encryption மூலம் பாதுகாக்கப்படும் என்றும் தெரிவித்துள்ளது.

WhatsApp மீடியாவுக்கு என்ன ஆகும்?

தற்போதைய தகவல்களின்படி, இந்த வசதி முக்கியமாக Instagram/Facebook-ல் இருந்து WhatsApp-க்கு மீடியாவைத் தேர்வு செய்வதற்காக உருவாக்கப்படுகிறது. WhatsApp-ல் இருக்கும் மீடியாவை Instagram அல்லது Facebook தானாக அணுகும் வகையில் இந்த வசதி செயல்படாது என தெரிவிக்கப்பட்டுள்ளது.

தற்போது சோதனை நிலையில்

இந்த புதிய வசதி தற்போது Android மற்றும் iOS-ன் சமீபத்திய WhatsApp Beta பதிப்புகளைப் பயன்படுத்தும் சில Beta Tester-களிடம் வழங்கப்பட்டு வருகிறது. அனைவருக்கும் ஒரே நேரத்தில் கிடைக்காமல், படிப்படியாக அதிகமான பயனர்களுக்கு விரிவுபடுத்தப்பட்டு வருகிறது.