மகன்களின் 4-வது பிறந்தநாளை கொண்டாடிய விக்னேஷ் சிவன் - நயன்தாரா!

கடந்த 2005ஆம் ஆண்டு வெளியான 'ஐயா' படத்தில் சரத்குமாருக்கு ஜோடியாக நடித்து தமிழ் சினிமாவில் நடிகையாக அறிமுகமானவர் நயன்தாரா. இவர் தற்போது தமிழ் திரையுலகின் லேடி சூப்பர் ஸ்டாராக கொடிகட்டி பறக்கிறார். அதிக சம்பளம் பெறும் தென்னிந்திய நடிகைகள் பட்டியலில் முதல் இடத்தில் இருக்கிறார். நடிகை, தயாரிப்பாளர் என கலக்கும் நயன்தாரா சொந்தமாக பல தொழில்களிலும் ஈடுபாடு காட்டி வருகிறார்.

இயக்குநர் விக்னேஷ் சிவனை காதலித்து கடந்த 2022-ம் ஆண்டு திருமணம் செய்து கொண்டார். இவர்களது திருமணம் மகாபலிபுரத்தில் பிரமாண்டமாக நடந்தது. இவர்களுக்கு உயிர், உலக் என்ற இரட்டைக் குழந்தைகள் உள்ளனர். திருமணமாகி குழந்தை பிறந்த பிறகும் சினிமா மீது கொண்ட தீவிர ஆர்வத்தில் நயன்தாரா சினிமாவில் நடித்து வருகிறார். தமிழ், மலையாளம், கன்னட சினிமா மட்டுமின்றி பாலிவுட் திரை உலகிலும் நயன்தாரா நடித்து வருகிறார். நயன்தாரா நடிப்பில் வெளியான ஹாய் மற்றும் டாக்ஸிக் திரைப்படங்கள், பெரிதாக ரசிகர்களைக் கவரவில்லை என்றே கூறப்படுகிறது. இவர், தற்போது 'முக்குத்தி அம்மன் 2' திரைப்படத்தில் நடித்து வருகிறார்

ஜங்கிள் தீம் கொண்டாட்டம்:

நடிகை நயன்தாரா மற்றும் இயக்குநர் விக்னேஷ் சிவனின் இரட்டை மகன்களான உயிர் மற்றும் உலக் 4-வது பிறந்தநாளை கொண்டாடினர். செப்டம்பர் 26-ஆம் தேதி பிறந்தநாள் கொண்டாட்டம் நடைபெற்ற நிலையில், அதன் புகைப்படங்கள் மற்றும் வீடியோ காட்சிகளை இருவரும் சமூக வலைதளங்களில் பகிர்ந்துள்ளனர்.

இந்த பிறந்தநாள் விழா ஜங்கிள் தீம் அடிப்படையில் அலங்கரிக்கப்பட்டிருந்தது. பசுமையான இலைகள், மரங்கள் மற்றும் விலங்குகளின் உருவங்கள் உள்ளிட்ட அலங்காரங்கள் இடம்பெற்றிருந்தன. இரண்டு அடுக்கு கேக் உள்ளிட்ட பல்வேறு வகையான கேக்குகளும் விழாவில் இடம்பெற்றதாக தகவல்கள் தெரிவிக்கின்றன. 

மகன்களுக்கு உருக்கமான வாழ்த்து

உயிர் மற்றும் உலக்கின் பிறந்தநாளையொட்டி விக்னேஷ் சிவன் - நயன்தாரா இருவரும் சமூக வலைதளத்தில் அவர்களுக்கு வாழ்த்து தெரிவித்தனர். தங்களது வாழ்க்கையின் மகிழ்ச்சி, ஆசீர்வாதம் மற்றும் இதயத் துடிப்பாக இரு மகன்களும் இருப்பதாக அவர்கள் குறிப்பிட்டுள்ளனர். பிறந்தநாளை முன்னிட்டு இருவரும் நடனமாடும் வீடியோவையும் பகிர்ந்தனர்.

குடும்பத்துடன் சிறப்பு தருணம்

விழாவில் நயன்தாரா மற்றும் விக்னேஷ் சிவன் இருவரும் தங்களது மகன்களுடன் எடுத்துக்கொண்ட குடும்பப் புகைப்படங்களும் வெளியாகியுள்ளன. நெருங்கிய குடும்பத்தினர் மற்றும் நண்பர்கள் கலந்து கொண்ட இந்த கொண்டாட்டத்தின் புகைப்படங்கள் ரசிகர்களின் கவனத்தை ஈர்த்து வருகின்றன.