தேர்தல் களம் காண தமிழகம் வருகிறார் ராகுல் காந்தி! மூன்று முக்கிய தொகுதிகளில் சூறாவளிப் பிரச்சாரம்! தமிழகத்தில் தேர்தல் களம் சூடுபிடித்துள்ள நிலையில், மதச்சார்பற்ற முற்போக்கு கூட்டணியின் வேட்பாளர்களை ஆதரித்து பிரச்சாரம் செய்வதற்காக மக்களவை எதிர்க்கட்சித் தலைவர் ராகுல் காந்தி நாளை (18.04.2026) தமிழகம் வருகிறார்.
நாளை காலை தமிழகம் வரும் அவர், வட தமிழகம் மற்றும் மத்திய தமிழகத்தை உள்ளடக்கிய மூன்று முக்கிய சட்டமன்றத் தொகுதிகளில் தனது தேர்தல் பரப்புரையை மேற்கொள்கிறார். இதன்படி, பொன்னேரி, சோளிங்கர் மற்றும் துறையூர் ஆகிய தொகுதிகளில் நடைபெறும் பிரம்மாண்ட பொதுக்கூட்டங்களில் ராகுல் காந்தி உரையாற்றுகிறார்.
மத்திய அரசின் மக்கள் விரோதப் போக்குகள், மாநில உரிமைகள் பறிப்பு மற்றும் தொகுதி மறுசீரமைப்பு போன்ற முக்கிய விவகாரங்களை முன்வைத்து அவர் தனது உரையை நிகழ்த்துவார் என்று எதிர்பார்க்கப்படுகிறது. ராகுல் காந்தியின் வருகையை முன்னிட்டு அந்தந்த தொகுதிகளில் பலத்த பாதுகாப்பு ஏற்பாடுகள் செய்யப்பட்டுள்ளன. காங்கிரஸ் மற்றும் கூட்டணி கட்சித் தொண்டர்கள் உற்சாகத்துடன் வரவேற்பு அளிக்கத் தயாராகி வருகின்றனர்.
0 Comments
No comments yet. Be the first to comment.