"சத்தியத்தை மீறினேன், ஆனால் இன்று துரோகம் செய்கிறார்!" - மருத்துவர் ஐயா ஆவேசம்.
பாமகவில் வெடித்தது தந்தை - மகன் மோதல்! அன்புமணியை கடுமையாகச் சாடிய டாக்டர் ராமதாஸ்! தைலாபுரம்: தமிழக அரசியலில் பெரும் அதிர்ச்சியை ஏற்படுத்தும் வகையில், பாட்டாளி மக்கள் கட்சியின் நிறுவனர் மருத்துவர் ராமதாஸ் அவர்கள், தனது மகன் அன்புமணி ராமதாஸ் மீது மிகக் கடுமையான குற்றச்சாட்டுகளை முன்வைத்துள்ளார்.
தைலாபுரம் தோட்டத்தில் இன்று செய்தியாளர்களைச் சந்தித்த அவர், "தனது குடும்பத்தைச் சேர்ந்தவர்கள் அரசியலுக்கு வர மாட்டார்கள் என்று தான் சத்தியம் செய்திருந்ததாகவும், ஆனால் அந்த சத்தியத்தையும் மீறி அன்புமணியை அரசியலுக்குக் கொண்டு வந்து, மிகச் சிறு வயதிலேயே அவரை மத்திய அமைச்சராக்கியதும் நான்தான்" என்று ஆதங்கத்துடன் தெரிவித்தார்.
மேலும், "பாமக என்ற இயக்கத்தையே அபகரிக்க வேண்டும் என்ற உள்நோக்கத்துடன் அன்புமணி செயல்பட்டு வருவதாக" அவர் குறிப்பிட்டது கட்சித் தொண்டர்களிடையே பெரும் அதிர்ச்சியை ஏற்படுத்தியுள்ளது. தேர்தலுக்கு இன்னும் சில நாட்களே உள்ள நிலையில், பாமகவின் உச்சகட்ட தலைமைக்குள்ளேயே ஏற்பட்டுள்ள இந்தத் நேரடி மோதல் தமிழக அரசியல் களத்தில் பெரும் பரபரப்பை ஏற்படுத்தியுள்ளது.
0 Comments
No comments yet. Be the first to comment.