உஜ்ஜைனி மகாகாளேஸ்வரர் கோவிலில் நடிகை தமன்னா தரிசனம்: பஸ்ம ஆரத்தியில் பங்கேற்று நெகிழ்ச்சி!
மத்தியப் பிரதேசத்தில் உள்ள புகழ்பெற்ற உஜ்ஜைனி மகா காளீஸ்வரர் கோவிலில் நடிகை தமன்னா தனது தோழியுடன் சாமி தரிசனம் செய்தார். அங்கு நடைபெற்ற உலகப் புகழ்பெற்ற பஸ்ம ஆரத்தியில் பங்கேற்ற அவர், தனது ஆன்மீக அனுபவம் குறித்து நெகிழ்ச்சியுடன் பகிர்ந்துள்ளார்.
மத்தியப் பிரதேசம் மாநிலம் உஜ்ஜைனியில் ஷிப்ரா நதிக்கரையில் அமைந்துள்ள மகா காளீஸ்வரர் கோவில், சிவனின் 12 ஜோதிர்லிங்கத் தலங்களில் மிகவும் முக்கியமானது. தெற்கு நோக்கி அமைந்துள்ள தனித்துவமான சுயம்பு மூர்த்தியான இக்கோவிலுக்கு, நடிகை தமன்னா தனது நெருங்கிய தோழியும் தயாரிப்பாளருமான பிரக்யா கபூருடன் நேரில் சென்று தரிசனம் செய்தார்.
உலகப் புகழ்பெற்ற பஸ்ம ஆரத்தி
மகா காளீஸ்வரர் கோவிலில் தினசரி நடைபெறும் 'பஸ்ம ஆரத்தி' உலக அளவில் பிரசித்தி பெற்றது. சிவபெருமானுக்கு அர்ப்பணிக்கப்பட்ட இந்த மிக முக்கியமான பூஜையில் தமன்னா கலந்து கொண்டார். அதிகாலையில் நடைபெறும் இந்த வழிபாட்டில் பங்கேற்பது பெரும் பாக்கியமாக கருதப்படும் நிலையில், தமன்னா பொதுமக்களோடு அமர்ந்து இறைவனை வழிபட்டார்.
தமன்னாவின் ஆன்மீக அனுபவம்
தரிசனம் குறித்து செய்தியாளர்களிடம் பேசிய தமன்னா கூறியதாவது:
"தெய்வீக அழைப்பு வரும்போது தான் இந்த கோவிலுக்கு வர முடியும். பஸ்ம ஆரத்தியை காணும் வாய்ப்பு கிடைத்த போது, மற்ற அனைவரிடமும் சேர்ந்து அத்தகைய ஒரு கூட்டு வழிபாட்டில் பங்கேற்று ஆன்மீக ஆற்றலையும் எழுச்சியையும் அனுபவித்தது உண்மையில் ஆழ்ந்த அனுபவமாக இருந்தது. வெறுமனே அங்கு அமர்ந்து அந்த சூழலை உள்வாங்கிக் கொள்வதே மகத்தான பாக்கியம்."
வைரலாகும் புகைப்படங்கள்
எளிமையான உடையில், நெற்றியில் திருநீறு அணிந்து பக்திப் பரவசத்துடன் தமன்னா இருக்கும் புகைப்படங்கள் தற்போது சமூக வலைதளங்களில் வைரலாகி வருகின்றன. சினிமா பணிகளுக்கு இடையே தமன்னா ஆன்மீக பயணங்களை மேற்கொள்வதை அவரது ரசிகர்கள் பாராட்டி வருகின்றனர்.
0 Comments
No comments yet. Be the first to comment.